Economists See Rate Increases Near Elections
24 minutes ago
Thursday, August 27, 2009
Sunday, June 7, 2009
Monday, June 1, 2009
Mga nagsipagtapos, hinamon na maglingkod sa bayan
Sa gitna ng krisis sa ekonomiya
Mga nagsipagtapos, hinamon na maglingkod sa bayan
ni Richard Jacob Dy
.
(Naunang inilimbag ang balitang ito sa isyu 30-31 ng Philippine Collegian noong 14 Mayo 2009.)
.
Sa gitna ng kakulangan ng mapapasukang trabaho sa bansa dulot ng krisis pang-ekonomiya, patuloy ang panawagan sa mga nagsipagtapos sa UP na manatili sa kanilang bayan at pagsilbihan ang mamamayan.
.
Tinatayang 3,800 ang nagsipagtapos sa sertipiko, di-gradwado at gradwadong antas sa ika-98 pangkalahatang pagtatapos sa UP Diliman (UPD) noong Abril 26.
.
Habang inaawit ang UP Naming Mahal, halos 40 estudyanteng nagsipagtapos ang nagprotesta upang igiit na sa halip na baguhin ng pamahalaan ang Saligang Batas, dapat nitong solusyonan ang mga problema sa sektor ng edukasyon at kawalan ng mapapasukang trabaho para sa mga nagsipagtapos dulot ng kasalukuyang pandaigdigang krisis-pampinansya.
.
Dagdag ni Jemimah Garcia, nagtapos ng kursong peryodismo at kabilang sa mga nanawagan, mahigit 900,000 ang magsisipagtapos ng kolehiyo sa bansa ngayong taon at maaaring makadagdag sa halos kalahating milyong nakapagtapos ng kolehiyo na wala pa ring trabaho at 12 milyong walang kabuhayan sa bansa.
.
Sa kabila nito, hinamon ng grupo ang mga nagsipagtapos na maglingkod pa rin sa bayan. Ani Julliane Agpalo, miyembro ng Kabataan party-list, sa isang pahayag, “We owe our education to the Filipino people… Let us return the favor by wholeheartedly serving [the Filipino’s] interests, especially at times of crisis.”
.
Magsilbi sa bayan
Binatikos naman ni Virgilio Almario, national artist at panauhing pandangal, ang mga kolehiyong naghahangad lamang ng karangalan at mataas na suweldo para sa kanilang mga estudyante. Aniya, “Sa ganitong oryentasyon, hagdan lamang lagi ang edukasyon para mangibang-bansa. O para yumaman kahit maging magnanakaw o kahit mang-api ng kapwa Filipino.”
.
Pangarap din niyang maitatag sa bansa ang edukasyong nakabatay at nakasentro sa kulturang Pilipino. “Nag-aaral ang lahat at nagiging espesyalista sa iba’t ibang disiplina ngunit pinag-iisip kung paanong ang bawat isa ay magsisilbi sa kapakanan [ng kapwa] Filipino,” ani Almario.
.
Samantala, ani Joseph Jeeben Segui, nagtapos ng kursong mathematics na may general weighted average (GWA) na 1.173 at nagtalumpati para sa mga nagsipagtapos, dapat umanong baguhin ang pagiging mapanlamang ng mga Pilipino. Aniya, “We must constantly remind ourselves that our personal gain is picayune compared to the nation’s interest.”
.
Si Scott Riley Ong, nagtapos ng kursong biology, ang nagkamit ng pinakamataas na GWA ngayong taon na umabot sa 1.036.
.
Pinarangalan ng pinakamataas na pagkilala ang 18 estudyanteng nagsipagtapos na summa cum laude o may GWA na 1.20 pataas. Nagtapos ang 192 estudyante ng magna cum laude o may GWA na hanggang 1.45, habang 810 ang cum laude o may GWA na hindi bababa sa 1.75.#
Admin to execute new student conduct rules; Student leaders decry lack of consultation
Admin to execute new student conduct rules
Student leaders decry lack of consultation
by Richard Jacob Dy
.
(This report was published in print in issue 28-29 of the Philippine Collegian on 20 March 2009.)
.
The UP Diliman (UPD) administration has proposed rules on student organization admission and intellectual dishonesty amid issues on lack of student participation during its drafting.
.
The proposal includes penalties for sexual harassment, intellectual dishonesty, inclusion of freshmen in organizations, and failure to update the roster of members of organizations. A bigger population requirement was also set for an organization to be recognized.
.
Likewise, the proposed Code of Student Conduct (CSC) will decentralize the Student Disciplinary Tribunal (SDT) into college disciplinary bodies to handle minor and academic-related violations.
.
Student Regent Shahana Abdulwahid said sectors in the university were not “actively involved” in the creation of the proposal. Jaqueline Eroles, chair of the students’ rights and welfare committee of the University Student Council (USC), said student governing bodies were not included for participation in drafting the proposal.
.
Vice Chancellor for Student Affairs Elizabeth Enriquez, who led the CSC review committee with four other faculty members, said the amendments in the existing rules are expected to minimize delays of trials and backlogs of pending cases in the SDT.
.
Enriquez said the increasing number of cases being filed cause setbacks in the procedure of the SDT in resolving cases. From 1996 to 2006, an average of 30 cases were filed annually in the SDT, and it took about four to six years before resolutions were made, according to the primer on the proposed rules.
.
She said current issues require changes in the existing rules to accommodate more applicable penalties. Additional penalties include fine, disqualification from honors, compensation of damages and withdrawal of IT privileges, according to the CSC primer.
.
The Board of Regents, the highest policy-making body of the university, is set to approve the proposal next semester, said Enriquez.
.
Lack of consultation
Eroles said the administration rejected their earlier request for student participation in the deliberations of the proposal. But she said they will request the administration to include a student member in the review committee in the final CSC deliberation this summer.
.
Enriquez said, “We’re showing [the CSC draft] to the community by uploading it [in the UPD website]. This is the final level of consultation and we uploaded it so that it could be accessible to students, faculty, staff, parents and alumni.”
.
After the research through sampling, interviews and discussions conducted by the College of Mass Communication with 150 informants, Enriquez said, only less than 10 student organizations gave their feedback on the proposed CSC.
.
Rules on organization
The CSC proposes the inclusion of student organizations to the same rules governing fraternities and sororities which will restrict first year students from joining any student organization.
.
Organization officers, on the other hand, could be suspended or expelled if they recruit freshmen students and if they fail to update the roster of their members to the Office of Student Affairs within a week after a new member is recruited.
.
While the existing rules require a minimum of only 15 students, the proposed code states that the university will recognize organizations with a membership of at least .5 percent of the total student population minus the freshmen, or about a hundred students based on the computation of the Collegian.
.
The ruling also imposes that no more than 49 percent of the members of an organization shall come from a single college.
.
USC vice chair Airah Cadiogan said such provisions would compromise the standards and qualifications of special interest, provincial and other organizations just to meet the minimum required population.
.
“Fifteen students are enough for you to organize. Isa itong paglabag sa students’ right to organize and to freely associate themelves… Merong mga organization na mapipilitan magpa-recognize sa college kahit university-based [sila dati],” she said.
.
Freshmen students, Eroles added, should not be deprived of their right to join academic or non-academic organizations. For organizations that accepts members anytime within a year, she added the rule on updating the list of members would be difficult to sustain.
.
Meanwhile, the CSC draft defines intellectual dishonesty as “any fraudulent act performed by a student to achieve academic advantage…,” which includes cheating, distortion of data, plagiarism, submission of same work to two or more courses, and impersonation or providing false information for academic gain.
.
Eroles agreed that sanctions on intellectual dishonesty remain unclear due to its lack of definition in the existing rules. But she said certain provisions in the proposed CSC would further limit the students’ rights.
.
Change in disciplinary system
The proposed CSC introduces three disciplinary bodies: the Student Disciplinary Council (SDC), College Disciplinary Committee (CDC) and Inter-College Disciplinary Committee (ICDC).
.
According to the proposed code, the SDC or the university-level disciplinary council will mainly “hear and resolve cases involving serious misconduct” such as fraud, violence, photographing documents and recruiting freshmen students.
.
The CDC will decide on cases of intellectual dishonesty within the college, while the ICDC is set to resolve cases involving more than one college.
.
Abdulwahid said the proposed rules should be studied thoroughly and “must undergo several discussions to solicit the views of concerned sectors.”
.
The USC held a consultation with student organizations on the proposed CSC at the Vinzons Hall on March 18.#
Technology business incubator, bubuksan na
Technology business incubator, bubuksan na
nina Mini Soriano at Richard Jacob Dy
.
(Naunang inilimbag ang balitang ito sa isyu 28-29 ng Philippine Collegian noong 20 Marso 2009.)
.
Inaasahang pasinayaan sa Abril ang ikatlong Science and Technology (S&T) park sa UP Diliman na magpapaupa sa mga nagsisimulang negosyo sa information and communication technology (ICT) at electronics.
.
Ani Vice Chancellor for Research and Development (VCRD) Luis Sison, bukod sa karagdagang trabaho at paglalaan ng espasyo sa mga nagsisimulang negosyo, layon ng Open Technology Business Incubator (TBI) na maging daan para sa karagdagang S&T parks sa UP at sa bansa.
.
Ngunit ani Airah Cadiogan, vice chair ng University Student Council, “It's perfectly in line with the UP administration's priority to use the academe through [research and development] (R&D) to generate income from the commercial entities which in return gain access to UP students' [researches].”
.
Saad ni Peter Antonio Banzon, division chief ng Advance Science and Technology Institute (ASTI) sa ilalim ng Department of Science and Technology (DOST), nasimulan na ang pagtatayo ng mga pundasyon para sa TBI sa may 4,000 square meters na inuupahang lupa malapit sa C.P. Garcia Avenue.
.
Magbibigay ng teknikal at pinansyal na suporta ang ASTI at Technology Resource Center (TRC) ng DOST, habang ipauupa naman ng UP ang lupain nito.
.
Ani Cadiogan, nakasaad sa bagong Charter na bibigyang daan ng UP ang pagpasok ng mga akademikong pananaliksik na may potensyal na magamit sa komersyo kaya nais magpatayo ng maraming S&T Parks sa unibersidad.
.
Benepisyo sa kumpanya
Kasalukuyang pinoproseso sa Philippine Economic Zone Authority ang akreditasyon ng Open TBI upang mapabilang sa special economic zone (SEZ) na magbibigay ng mga benepisyo sa mga negosyo gaya ng tax incentive. Nauna nang napabilang sa SEZ ang TechnoHub na pinamamahalaan ng Ayala Land, Inc. (ALI) at South S&T park ng Ayala Foundation, Inc.
.
“Students, faculty, and staff will get technical and financial assistance in the TBI...as it may be engaged in research and development collaboration with university personnel and also hire the university's graduates,” ani Sison.
.
Ngunit ani Cadiogan, nais mang tugunan ng TBI ang pagpapaunlad ng research and development (R&D) sa pamantasan, nananatiling income generation ang prayoridad sa pagtatayo ng mga proyekto sa R&D.
.
Batay sa pag-aaral ng opisina ng VCRD, mahigit P2.5 milyon ang kinita ng pamantasan mula sa Ayala South Park noong 2006 at 2007 at mahigit P4 bilyon naman ang tinatayang makukuha ng pamantasan sa loob ng 25 taong pag-upa ng ALI sa lupain sa Commonweath.
.
Tunay na pangangailangan
Ani Student Regent Shahana Abdulwahid, mas mainam na paglaanan ng pansin ng administrasyon ng UP ang pangunahing mga pangangailangan ng mga mag-aaral gaya ng karagdagang pasilidad sa mga dormitoryo.
.
Ayon kay Banzon, maliban sa mga pangunahing kumpanyang pahihintulutang umupa sa ikatlong S&T park, “the TBI itself will have a coffeeshop, multimedia conferencing rooms, and a gym.”
.
Tumanggi naman si Banzon na magsabi kung magkano ang makukuha ng pamantasan mula sa pagpapaupa sa TBI. Aniya, hindi pa pinal ang kontrata sa pagitan ng UP, mga ahensyang TRC, ASTI at mga pribadong kumpanyang uupa rito.
.
Samantala, walang nakasaad sa dati nang lease agreement ng ASTI at UP noong 1996 na maaaring magtayo ng TBI sa lupain ng UP.
.
Sa Marso 26, nakatakdang aprubahan ng Board of Regents ang pag-amyenda sa kanilang kontrata upang pahintulutang makapagtayo ng TBI, ayon sa Office of the University Secretary.#
1 sa bawat 5 kolehiyo, nais magtaas ng matrikula; Tuition moratorium, iginigiit ng mga estudyante
1 sa bawat 5 kolehiyo, nais magtaas ng matrikula
Tuition moratorium, iginigiit ng mga estudyante
ni Richard Jacob Dy
.
(Naunang inilimbag ang balitang ito sa isyu 27 ng Philippine Collegian noong 5 Marso 2009.)
.
Tinatayang isa sa bawat limang kolehiyo sa bansa ang naghain ng aplikasyon sa Commission on Higher Education (CHED) upang magtaas ng hanggang 20 porsyento sa matrikula ngayong taon.
.
Bagaman mas mababa ng kalahati kaysa nakaraang taon ang bilang ng mga naghain ng aplikasyon sa mahigit 1,700 kolehiyo sa bansa, ani Vanessa Faye Bolibol, tagapangulo ng National Union of Students of the Philippines (NUSP) National Capital Region (NCR), madalas na nadaragdagan pa ang mga nagtataas sa pasukan dahil sa kakulangan nang maayos na pagbabantay ng CHED.
.
Batay sa dokumento mula sa CHED, mahigit P850 ang average na halaga ng kada yunit sa matrikula sa NCR ngayong taon, samantalang mahigit P400 ang average sa buong bansa. Dagdag ni Bolibol, binabawi ng ibang mga paaralan sa kita sa laboratory at miscellaneous fees ang hindi nila pagtataas ng matrikula.
.
Saad ni CHED Deputy Executive Director Julito Vitriolo sa Collegian, nakiusap ang komisyon sa pamamagitan ng memorandum noong Pebrero 5 na itigil ang pagtataas ng matrikula dahil sa krisis pang-ekonomiya. Ngunit, aniya, aaprubahan pa rin ng CHED ang mga aplikasyon kung sapat ang konsultasyon at ang iba pang kahingian gaya ng financial statements.
.
Saad ni Bolibol, nananatiling “walang ngipin” ang memorandum ng CHED sapagkat hindi pinagbabawalan ng batas ang komisyon na iutos ang pagpapaliban ng pagtataas ng matrikula.
.
Dulot ng krisis sa ekonomiya?
Ayon kay Vitriolo, ang pagtataas ng matrikula ay dulot ng pandaigdigang krisis sa ekonomiya, lumalaking inflation rate at pangangailangan ng de-kalidad na edukasyon sa bansa.
.
Ngunit saad sa Collegian ni Sonny Africa, research head ng Ibon Foundation Inc., sinisikap lamang ng mga paaralan na bawiin ang pagbagsak ng kanilang puhunan at pagbaba ng enrolment sa pamamagitan ng pagtataas ng matrikula.
.
Aniya, numero lamang ang inflation rate at maaaring walang kinalaman sa gastusin ng mga paaralan. “[Dapat] ipaliwanag ng mga eskuwelahan ang aktwal na paglaki sa gastusin imbes na bumatay sa inflation rate,” ani Africa.
.
Batay sa tala ng NUSP, kabilang sa mga institusyong pantersaryang nais magtaas ng matrikula ngayong taon ang University of the East, Far Eastern University, San Juan de Letran College, Philippine School of Business Administration, San Beda College at University of Santo Tomas.
.
Saad ni Bolibol, kahingian man ng CHED, walang “komprehensibong konsultasyon” at hindi ipinapaalam ng ilang administrasyon sa mga estudyante nito ang halaga ng pagtaas sa matrikula gaya sa Technological Institute of the Philippines, Jose Rizal University at Philippine Maritime Institute.
.
Suporta sa tuition moratorium
Isang araw bago ang palugit sa pagpasa ng aplikasyon sa pagtataas ng matrikula noong Pebrero 27, nagmartsa ang tinatayang 200 estudyante sa labas ng opisina ng CHED sa C.P. Garcia Street sa UP Diliman upang igiit ang agarang pagpasa ng tuition moratorium bill na nakabinbin sa Committee on Higher and Technical Education sa Mababang Kapulungan simula noong 2008.
.
Layon ng panukalang batas ni Bayan Muna Rep. Teddy Casiño ang pagpapaliban ng pagtataas ng matrikula sa loob ng tatlong taon. Saad ni Casiño sa isang panayam, “Ayaw nating mangyari na dahil sa krisis sa ekonomiya, papatigilin ng mga magulang ang kanilang mga anak sa pag-aaral.”
.
Kabilang si Aya, nasa ikaapat na antas sa Araullo High School, sa mga nagprotesta sa harap ng CHED. Maaaring hindi siya makatuloy sa kolehiyo dahil sa kawalan ng trabaho ng kanyang ama at sa pagtataas ng matrikula sa pasukan.
.
Para kay Vitriolo, hindi solusyon ang tuition moratorium bill sapagkat isa umano itong “pagkitil sa karapatan ng mga private sector.”
.
Ngunit ani Bolibol, malaon nang suliranin ang umiiral na mga palisiyang nagpapahintulot sa mga paaralan na magsamantala sa pagtataas ng matrikula. Kabilang aniya rito ang CHED memo 13 ng 1998 na nagpapahintulot na magtaas ng miscellaneous fees kahit walang konsultasyon at ng matrikula ng walang takdang halaga.
.
Nagmamahal na batayang edukasyon
Kasabay ng pagtataas ng matrikula sa iba’t ibang kolehiyo, tinataya namang 150 pampribadong elementary at secondary na mga paaralan ang humiling sa Department of Education (DepEd) na magtaas ng matrikula ng hanggang 15 porsyento, ani Alvin Peters, pambansang tagapangulo ng NUSP.
.
Kabilang sa maaapektuhan si Ian, second year highschool at honor student sa Roosevelt College Cubao, na balak ilipat ng kanyang magulang sa pampublikong paaralan bunsod ng panukalang karagdagang P3,000 sa kanyang matrikula.
.
Sa pinakahuling ulat ng DepEd, tatlo sa sampung estudyante sa high school ang hindi nakapagtatapos ng pag-aaral. Anang tagapangulo ng Alliance of Concerned Teachers Antonio Tinio, isa lamang sa bawat limang nakapagtatapos ng highschool ang tumutuloy sa kolehiyo.
.
Ani Africa, “Sa pagkawala ng trabaho at pagbagsak ng kita, lalong mahihirapan ang mga magulang na pag-aralin ang kanilang mga anak. Matindi ang magiging epekto ng krisis sa edukasyon ng ating mga kabataan at lalong titingkad ang pinakamasasamang aspeto ng sistema ng edukasyon ng bansa.”
.
Karagdagang subsidyo
Saad ni Casiño, dapat magtabi ng subsidyo ang pamahalaan para sa pagpapatupad ng tuition moratorium mula sa P330 bilyong stimulus package na pondo ng pamahalaan upang ibsan ang krisis sa ekonomiya.
.
Kailangang maglaan ang pamahalaan ng katumbas ng anim na porsyento ng panloob na kita ng bansa, na pamantayan din ng United Nations, para sa kabuuang sektor ng edukasyon mula sa kasalukuyang mahigit dalawang porsyento lamang, ani Bolibol.
.
“Dapat libre ang edukasyon at ito ang pangunahing isyu, kaya sa ganitong batayan, ang anumang pagtataas ng matrikula ay hindi katanggap-tanggap,” saad ni Africa. May ulat mula kina Katherine Elona at Marjohara Tucay #
Wednesday, March 4, 2009
18 nasaktan sa riot sa UP fair; Isang pulis ng UPDP, nasa malubhang kondisyon
18 nasaktan sa riot sa UP fair
Isang pulis ng UPDP, nasa malubhang kondisyon
Ni Richard Jacob Dy
.
Tinatayang 18 katao ang nasaktan sa insidente ng pamamato at pagpuwersa ng mga kabataan sa bakuran ng UP Fair sa Sunken Garden upang makapasok sa pagtatanghal bandang hatinggabi noong Pebrero 13.
.
Ayon sa volunteer mula sa Red Cross, nagtamo ng mga gasgas at sugat ang apat na miyembro ng UP Diliman Police (UPDP), kabilang si Ramon Monterico na kasalukuyang nasa intesive care unit ng Quirino Memorial Medical Center. Walang estudyante ng UP na naitalang nasaktan sa insidente.
.
Nagsimula ang kaguluhan nang ipatigil ng University Student Council (USC), ang nakatakdang mamahala ng seguridad sa labas ng fair grounds, ang pagbebenta ng mga organizer ng tiket.
.
Saad ni USC Councilor Fudge Tajar, pinatigil ng konseho ang pagbebenta dahil sa rami ng taong dumalo sa fair.
.
Katuwang ang Adelfe Enu Crea sorority, UP Cursor at UP Circuit, pinangunahan ng Pan Xenia fraternity (Pan Xenia) ang pagtatanghal sa fair nang gabing iyon. Nagpadala ng opisyal na pahayag ang Pan Xenia sa Collegian ngunit binawi rin ito.
.
Kasunod nito ay binawi rin ni USC Chair Herminio Bagro III ang mga nauna niyang pahayag sa Collegian hinggil sa seguridad ng fair, mga biktima at komento hinggil sa insidente.
.
Nakatakda pa umanong magpulong ang Pan Xenia at USC hinggil sa insidente sa Pebrero 20.
.
Biktima ng riot
Habang isinusulat ang balitang ito, wala pa ring malay at nasa kritikal pa ring kalagayan si Monterico ng UPDP matapos niyang magtamo ng pamumuo ng dugo sa ulo dulot ng pagbato at pagpalo sa kanya ng mga kabataan.
.
Anang neurosurgeon na si Plutarc Encela, maaaring maparalisa o mawalan ng alaala ang biktima na tinanggalan ng dugo sa utak sa kanyang unang operasyon noong Pebrero 14.
.
Saad sa Collegian ni Maricar Monterico, asawa ng biktima, hindi sapat ang ibinibigay na panggastos ng USC para sa sa pagpapagamot sa kanyang asawa at araw-araw na medikasyon.
.
Samantala, hiniling ng pamilya Monterico sa UPDP na imbestigahan ang dalawang kabataang suspek sa insidente na nahuli ngunit agad ding pinakawalan. May ulat mula kay Katherine Elona.#
.
(Editor's note: This article originally had quotes from Pan Xenia fraternity and University Student Council Chair Herminio Bagro III, but retracted their official public statement and comments, respectively, at the last minute.)
.
(Naunang nailathala sa Philippine Collegian.)
Computerized na sistema ng halalan, ipatutupad na; 5 kandidato ng Kaisa, Stand-UP, pinahintulutang tumakbo
Computerized na sistema ng halalan, ipatutupad na
5 kandidato ng Kaisa, Stand-UP, pinahintulutang tumakbo
Ni Richard Jacob Dy
Nakatakdang ipatupad sa buong kampus ang computerized na sistema ng halalan para sa mga posisyon sa University Student Council (USC) sa Pebrero 25.
Ani Vice Chancellor for Student Affairs Elizabeth Enriquez, makaboboto ang may 22,000 estudyante sa eleksyon sa pamamagitan ng kanilang mga computerized registration system account. Mapabababa umano nito ang gastos sa halalan at mapaiigting ang seguridad ng mga boto.
Batay sa pagtataya ni Enriquez, P120,000 hanggang P130,000 mula sa pondo ng mga estudyante ang nakatakdang badyet para sa darating na eleksyon.
Dagdag ni Enriquez, susuriin ng University Student Electoral Board (USEB), lupon ng mga tagapangasiwa sa halalan, ang bawat kolehiyo sa kampus ngayong linggo upang punan ang kakulangan ng mga ito sa pasilidad para sa eleksyon.
Ayon kay Jacqueline Eroles, kasalukuyang tagapangulo ng student rights and welfare committee ng USC, isinaad sa isang pulong ng USEB na magkakaroon pa rin ng mano-manong botohan at bilangan kung mabigo ang computerized na halalan.
Ani Enriquez, tutulong ang UP Linux Users Group kung magkaroon ng suliranin sa software na kanilang nilikha para sa halalan.
Kakandidato para sa magkakaibang posisyon sa USC ang 26 na estudyante mula sa Alyansa ng mga Mag-aaral Para sa Panlipunang Katwiran at Kaunlaran (Alyansa), 21 mula sa Nagkakaisang Iskolar para sa Pamantasan at Sambayanan (Kaisa), at 28 mula sa Student Alliance for the Advancement of Democratic Rights in UP (Stand-UP), habang lima ang tatakbong indipindiyente.
Pagpapahintulot sa pagtakbo
Pagkaraang tanggihan ng USEB ang mga naunang apela, pinahintulutan nang tumakbo ng USEB ang limang kandidato mula sa Kaisa at sa Stand-UP, sa gitna ng protesta ng mga kandidato ng dalawang partido sa pulong ng USEB sa Quezon Hall noong Pebrero 9.
Pinahintulutang tumakbo sina Jose Leandro Alineo, Laura May Antoinette Clemente at Francesca Cielo Ravanes ng Kaisa, at Iris Charmaine Olaso at Demi Anne Obidiencia ng Stand-UP.
Ayon kay Enriquez, hindi inaprubahan ang kanilang mga naunang apela dahil sa kakulangan sa dokumento tulad ng True Copy of Grades (TCG) na dapat ibinigay hanggang noong Enero 30.
Ngunit ani Eroles, "Maraming ambiguities ang election code sa kasalukuyan at very open ito sa interpretation, lalo na sa powers ng USEB. Walang binanggit na [kakailanganing] requirements sa election code. Ang USEB ang nagtatakda ng requirements at qualification lang ang nasa election code."
Saad ni Stephanie Tan, tagapangulo ng Kaisa, bagaman tiniyak nila sa USEB na isusunod ang mga kulang na dokumento, tinanggihan pa rin sila ng USEB noong una.
Samantala, aniya, wala nang tatakbo bilang pangalawang tagapangulo sa partidong Kaisa matapos diskwalipikahin ng USEB si Ramon Miguel Abeleda dahil sa hindi pag-abot sa minimum grade requirement na nakasaad sa election code.#
(First Published in Philippine Collegian.)
5 kandidato ng Kaisa, Stand-UP, pinahintulutang tumakbo
Ni Richard Jacob Dy
Nakatakdang ipatupad sa buong kampus ang computerized na sistema ng halalan para sa mga posisyon sa University Student Council (USC) sa Pebrero 25.
Ani Vice Chancellor for Student Affairs Elizabeth Enriquez, makaboboto ang may 22,000 estudyante sa eleksyon sa pamamagitan ng kanilang mga computerized registration system account. Mapabababa umano nito ang gastos sa halalan at mapaiigting ang seguridad ng mga boto.
Batay sa pagtataya ni Enriquez, P120,000 hanggang P130,000 mula sa pondo ng mga estudyante ang nakatakdang badyet para sa darating na eleksyon.
Dagdag ni Enriquez, susuriin ng University Student Electoral Board (USEB), lupon ng mga tagapangasiwa sa halalan, ang bawat kolehiyo sa kampus ngayong linggo upang punan ang kakulangan ng mga ito sa pasilidad para sa eleksyon.
Ayon kay Jacqueline Eroles, kasalukuyang tagapangulo ng student rights and welfare committee ng USC, isinaad sa isang pulong ng USEB na magkakaroon pa rin ng mano-manong botohan at bilangan kung mabigo ang computerized na halalan.
Ani Enriquez, tutulong ang UP Linux Users Group kung magkaroon ng suliranin sa software na kanilang nilikha para sa halalan.
Kakandidato para sa magkakaibang posisyon sa USC ang 26 na estudyante mula sa Alyansa ng mga Mag-aaral Para sa Panlipunang Katwiran at Kaunlaran (Alyansa), 21 mula sa Nagkakaisang Iskolar para sa Pamantasan at Sambayanan (Kaisa), at 28 mula sa Student Alliance for the Advancement of Democratic Rights in UP (Stand-UP), habang lima ang tatakbong indipindiyente.
Pagpapahintulot sa pagtakbo
Pagkaraang tanggihan ng USEB ang mga naunang apela, pinahintulutan nang tumakbo ng USEB ang limang kandidato mula sa Kaisa at sa Stand-UP, sa gitna ng protesta ng mga kandidato ng dalawang partido sa pulong ng USEB sa Quezon Hall noong Pebrero 9.
Pinahintulutang tumakbo sina Jose Leandro Alineo, Laura May Antoinette Clemente at Francesca Cielo Ravanes ng Kaisa, at Iris Charmaine Olaso at Demi Anne Obidiencia ng Stand-UP.
Ayon kay Enriquez, hindi inaprubahan ang kanilang mga naunang apela dahil sa kakulangan sa dokumento tulad ng True Copy of Grades (TCG) na dapat ibinigay hanggang noong Enero 30.
Ngunit ani Eroles, "Maraming ambiguities ang election code sa kasalukuyan at very open ito sa interpretation, lalo na sa powers ng USEB. Walang binanggit na [kakailanganing] requirements sa election code. Ang USEB ang nagtatakda ng requirements at qualification lang ang nasa election code."
Saad ni Stephanie Tan, tagapangulo ng Kaisa, bagaman tiniyak nila sa USEB na isusunod ang mga kulang na dokumento, tinanggihan pa rin sila ng USEB noong una.
Samantala, aniya, wala nang tatakbo bilang pangalawang tagapangulo sa partidong Kaisa matapos diskwalipikahin ng USEB si Ramon Miguel Abeleda dahil sa hindi pag-abot sa minimum grade requirement na nakasaad sa election code.#
(First Published in Philippine Collegian.)
Subscribe to:
Posts (Atom)