Katanungang ihahain sa student referendum, pinal na

Katanungang ihahain sa student referendum, PINAL NA
ni Richard Jacob Dy
.
Pinal na ang tanong na ihahain sa system-wide referendum mula Enero 26 hanggang 31 hinggil sa panuntunan sa pagpili ng Student Regent (SR), matapos ibasura ang mga apela laban dito ng opisina ng SR.
.
Nakatakdang mamili ang mga estudyante kung pabor sila o hindi sa umiiral na Codified Rules for Student Regent Selection (CRSRS) bilang batayan sa pagpili ng SR, na tanging kinatawan ng may 55,000 estudyante sa UP sa Board of Regents (BOR), pinakamataas na lupong tagapagpasiya sa pamantasan.
.
Binuo ang CRSRS ng General Assembly of Student Councils (GASC) noong 1996 upang maging opisyal na panuntunan hinggil sa proseso sa pagkandidato at pagpili ng SR. (Sumangguni sa sidebar.)
.
“These rules shall be amended or repealed through the majority vote of all the student councils in the UP System. Proposals to amend should be submitted to the [office of the SR] not later than the first day of October,” saad sa CRSRS.
.
Ani SR Shahana Abdulwahid, hindi umabot sa itinakdang petsa ang mga inihaing apela ng anim na tagapangulo ng mga student council (SC), 13 SC mula sa Diliman, Visayas at Manila, at ng partidong Nagkakaisang Iskolar para sa Pamantasan at Sambayanan (Kaisa), na nagpasa noong Enero 9 at 13 lamang.
.
Ayon kay Abdulwahid, taunang ibinabasura ng GASC ang mga apelang inihain ng ilang grupong naggigiit na “public appeal”ang kanilang panukalang hindi naman umano dumaan sa konsultasyon sa mga estudyante.
.
Ligal na batayan
Dagdag niya, alinsunod sa batas, taliwas sa kahulugan ng referendum ang apilang pagdaragdag ng mga katanungang mag-aamyeda sa CRSRS. “Referendum is the power of the electorate to approve or reject a legislation,” saad sa memo ni Abdulwahid noong Enero 16.
.
Matuturing umanong initiative ang hiniling ng mga umapela, ani Abdulwahid. Saad niya sa memo, alinsunod sa Initiative and Referendum Act ng bansa, “Initiative is the power of the people to propose amendments to the Constitution or to propose and enact legislations through an election called for a purpose.”
.
Batay sa bagong UP Charter, isang referendum ang dapat na ihahain sa pagratipika ng alituntunin sa pagpili ng SR na magsisilbi ng isang taon sa BOR.
.
Isa sa mga kahalagahan ng SR, ani Airah Cadiogan, ikalawang tagapangulo ng University Student Council (USC), ang paghapag nito sa BOR ng hinaing ng mga estudyante hinggil sa matrikula, laboratory fee, karapatan ng mga organisasyon, at representasyon sa mga komiteng nagtatalakay sa mga isyu nila.
.
Dagdag niya, kumakatawan rin ang SR sa mga sektor ng pamantasang walang representasyon gaya ng mga janitor, guwardiya, jeepney driver at manininda.
.
Pagtutol sa katanungan
Ani Herminio Bagro III, tagapangulo ng USC at kabilang sa mga nag-apela, “The referendum should be maximized in order to promote informed decision from the studentry.”
.
Ngunit ani Cadiogan, mahalaga munang siguruhin ang pagkakaroon ng kinatawan ang mga estudyante sa BOR bago magmungkahi ng mga reporma sa CRSRS, dahil hindi malinaw sa bagong Charter ang kahihinatnan ng opisina ng SR kung sakaling hindi magtagumpay ang referendum.
.
Dagdag niya, maaaring bawiin ng administrasyon ang pahintulot kay Abdulwahid na manatiling pansamantalang SR anumang oras, dahil tapos na ang termino niya noon pang Disyembre.
.
Ani Stephanie Tan, tagapangulo ng Kaisa, iginagalang nila ang desisyon ng SR. Ngunit, aniya, “Students should vote for no, so we can have a more desired outcome, and that is for the [office of the SR] to call for amendments and to call for another GASC.”
.
Tugon sa apela
Kabilang sa kanilang apela ang pagdaragdag ng tanong sa balota hinggil sa pagtatakda ng minimum grade requirement sa mga kakandidato, pagtanggal sa Katipunan ng mga Sangguniang Mag-aaral o KASAMA sa UP, na kasalukuyang secretariat ng opisina ng SR, at pagbalik ng iskemang paglalaan ng isang boto sa bawat konseho ng pamantasan tuwing may GASC.
.
Ngunit ani Abdulwahid, hindi pamantayan ang pagiging mahusay sa akademiya sa pagiging magaling na lider-estudyante. Samantala, kininilala lamang umano ng CRSRS ang tulong ng KASAMA sa UP sa pagtaguyod ng opisina ng SR.
.
Nilinaw rin ng rehente na dahil sa iskemang tig-isang boto sa bawat konseho, mawawalan ng boses ang ibang yunit ng UP na kaunti lamang ang mga konseho kaysa Diliman. Dagdag niya, dahil rin sa iskemang tig-isang boto, muntik nang mawalan ng SR noong 2006 nang walang konsehong nais magbigay-daan upang makakalap ng boto upang maging SR ang isang kandidato.
.
Kailangang boto
Samantala, sa naunang pahayag sa Collegian ni Vice President for Legal Affairs Theodore Te, upang maratipika ang CRSRS, kailangang lumahok ang mahigit sa kalahati ng mga estudyante sa UP upang bigyang bisa ang referendum, at ng boto ng pagsang-ayon ng mahigit sa kalahati ng mga lumahok na botante.
.
Habang sinusulat ang balitang ito, wala pa ring posisyon ang opisina ng SR hinggil dito.
.
Samantala, ani Abdulwahid, magsisilbing panimulang badyet para sa referendum ang P60,000 na ibinigay ni UP President Emerlinda Roman mula sa discretionary funds ng pamantasan.
.
Dagdag niya, boluntaryo na lamang at hindi babayaran ang mga estudyanteng magbabantay sa mga presinto at balota sa mga araw ng referendum.
.
Sidebar:
Ano ang Codified Rules for Student Regent Selection (CRSRS)?
.
Naglalaman ang 13-taong dokumentong ito ng mahahalagang probisyon at panuntunan hinggil sa pagpili ng mga estudyante ng kanilang student regent (SR) sa Board of Regents. Ilan dito ang mga sumusunod:

.
• Nararapat na malayang makapili ang lahat ng mga estudyante sa UP ng SR sa pamamagitan ng isang maayos na proseso na magtitiyak ng malawakang pakikilahok ng mga estudyante.
• Ang nominado sa pagka-SR ay nararapat na naka-enroll sa UP sa oras ng kanyang nominasyon; namalagi o may residency sa pamantasan ng isang taon, kabilang na ang leave of absence; mamamayan ng Pilipinas; at may track record na sumasalamin sa kanyang dedikasyon sa pagsilbi sa mga estudyante.
• Hindi pamantayan sa diskwalipikasyon ng isang nominado ang hindi pagkakaroon ng good academic standing.
• Maaaring magnomina ang sino mang estudyante, grupo o organisasyon mula sa kahit anong kolehiyo o yunit ng UP.
• Pipili ng dalawa ang bawat university student council ng bawat yunit ng UP mula sa listahan ng opisyal na mga nominadong isinumite ng mga college student council.
• Boboto sa pamamagitan ng pagtaas ng kamay o secret balloting ang mga kinatawan ng mga kolehiyo o yunit ng UP na lalahok sa General Assembly of Student Councils (GASC) hanggang tatlo na lamang ang maiwan sa mga nominado.
• Para sa huling nominasyon, dalawang boto ang igagawad sa mga yunit ng UP sa Baguio, Diliman, Los Baños, Manila, Visayas at Mindanao, samantalang isang boto ang igagawad sa mga extension ng UP sa Pampanga, Cebu, Tacloban at Leyte.
• Ang nominadong tatanggap ng dalawang-katlong boto ng mga kinatawang dumalo sa GASC ang hihiranging SR.
• Dahil sa pagtatag ng Katipunan ng mga Sangguniang Mag-aaral (KASAMA sa UP) sa opisina ng SR, tungkulin nilang tiyakin ang malawakang paglahok ng mga estudyante sa UP sa kanilang mga konsultasyon hinggil sa kasaysayan ng opisina ng SR at proseso ng pagpili ng SR.

• Hindi maaaring panghimasukan ng administrasyon ng UP at iba pang sektor ang proseso ng pagpili ng SR.

Read More...

Summary only...

‘Pangmatagalang solusyon, tugon sa resesyon’

‘Pangmatagalang solusyon, tugon sa resesyon’

ni Richard Jacob Dy

.

Maiibsan ang epekto sa bansa ng tumitinding resesyon kung hindi aasa ang pamahalaan sa mga panandaliang solusyon at paglalalaanan ng pondo ang mga batayang serbisyo, at ititigil ang pagpapadala ng mga Pilipino sa ibang bansa, ayon sa Ibon Foundation Inc., isang samahan ng mga tagapagsaliksik.

.

Mula 4.5 porsyentong pagtaas ng panloob na kita ng bansa o gross domestic product (GDP) noong 2008, tinatayang bababa ito patungong 3.5 ngayong taon, paglalahad ng Ibon sa kanilang year-end Birdtalk noong Enero 15.

.

Tinataya rin umano ng International Monetary Fund na bababa ang average na GDP sa buong mundo mula 3.7 porsyento patungo sa 2.2.

.

Sa ikatlong kuwarto ng 2008, bumaba sa 4.6 mula 7.2 porsyento ang pagtaas ng GDP sa mga sektor ng serbisyo, industriya, agrikultura, pangingisda at forestry sa bansa, ayon sa National Statistics Coordination Board.

.

Gayunman, ani Sonny Africa, punong mananaliksik ng Ibon, “The government is in denial about the extent of the crisis and is only going through the motions of dealing with it.”

.

Pandaigdigang merkado

Damay ang Pilipinas sa resesyon bunsod ng dalawang dekadang pagpapairal sa mga palisiyang nagbubukas dito sa pandaigdigang merkado, ani Africa.

.

Dahil sa pagbubukas na ito, nabawasan umano ang proteksyon ng estado mula sa ibayong kalakarang nagdulot ng halos 80 porsyentong pagsandal ng ekonomiya ng Pilipinas sa pagluwas ng mga produkto, pamumuhunan ng mga dayuhan at remittance mula sa mga overseas Filipino worker (OFW).

.

Ani Alvin Peters, pambansang tagapangulo ng National Union of Students of the Philippines, kung patuloy na matatali ang ekonomiya ng bansa sa US at sa ibang bansang dumaranas rin ng krisis-pampinansiya, titindi pa umano ang resesyon sa bansa.

.

Maling solusyon

Batay sa Ibon, panandalian lamang ang ginagawang solusyon ng pamahalaan upang labanan ang resesyon sa bansa tulad ng paglalaan ng P300 bilyong pondo para sa kasalukuyang krisis, pag-utang sa mga institusyong pampinansiya at paglaki tungong P1.415 trilyon ng pambansang badyet.

.

Dagdag ni Africa, dapat pagtibayin ang mga palisiya ng bansa hinggil sa taripa, quota at 40 porsyentong hangganang maaaring ariin ng mga banyaga upang mapangalagaan ang interes ng estado.

.

Saad sa Ibon factbook, kung isasaalang-alang ang inflation at paglaki ng populasyon sa bansa, kailangang magdagdag ng P205 bilyong pondo para sa edukasyon, P36 bilyon sa kalusugan at P5 bilyon sa pabahay.

.

Sa halip na gamitin ang P100 bilyon pondo sa mga “high-profiled” na proyekto, ayon sa Ibon, dapat ilaan ng pamahalaan ang pondo para sa pagpapaunlad ng pambansang sistema ng irigasyon, kalsada at paglinang sa kagamitang pang-agrikultura.

.

Sa gitna ng resesyon, saad ni Africa, inaasahang madaragdagan pa patungong mahigit 11 milyong Pilipino ang mawawalan ng trabaho, na magdudulot umano ng pagbaba ng kita ng bawat pamilya sa bansa.

.

Kawalan ng kabuhayan

Sa tala ng Ibon, tinatayang 137,000 manggagawa mula sa manufacturing sector, 6,000 mula sa transport, storage and communication sector, 22,000 mula sa community, social and personal services at 11,000 empleyado mula sa private households ang nawalan ng trabaho sa 2008.

.

“The eventual figure could be much higher though with less job creation and large number of Filipinos losing their jobs due to retrenchments, closures and poorer jobs prospects abroad,” ayon sa Ibon.

.

Ani Africa, marami na umano sa mga OFW ang napapauwi sa bansa dahil sa malawakang tanggalan dulot ng resesyon. Ayon sa Philippine Overseas Employment Agency, inaasahang dodoble pa ang bilang ng 2,500 napauwing Pilipinong manggagawa sa Taiwan bago matapos ang taon.

.

“Filipinos should not be forced to go abroad because it isn’t sustainable. They are underpaid to begin with,” ani Africa. Dagdag niya, habang pinapanatili ang iilang OFW, binabawasan naman ang kanilang oras ng pagtatrabaho, suweldo at mga benepisyo.

.

Saad ni Africa, “Filipinos need immediate socioeconomic relief… The economy must be radically transformed to overcome its chronic crisis of poverty and underdevelopment.”

Read More...

Summary only...

UP employees clinch benefits, representation

UP employees clinch benefits, representation

ni Richard Jacob Dy

.

After nearly two years of negotiation, two new agreements for working benefits and representation were signed for some 14,000 academic and non-academic employees last December 12.

.
The All UP Academic Employees Union (AUPAEU) and All UP Workers Union (AUPWU), the exclusive negotiating units for the faculty and research, extension and professional staff (REPS) and administrative staff, respectively, signed separate five-year collective negotiation agreements (CNA) with the UP administration.

.

To ratify their agreements, majority of about 5,000 academic personnel and of 9,000 administrative staff must sign it until the end of January, said Melania Lagahit Abad, AUPAEU secretary-general.

.

Both agreements contain provisions on free medical examination and vaccination, nursing leave, union time privilege, and annual benefits like P1,000-grocery allowance, P1,000-loyalty pay and P4,500-rice subsidy.
.

Union representation in committees on occupational health and safety, employee suggestion and incentive awards, and performance evaluation review were also agreed upon for both administrative staff, and faculty and REPS.

.

AUPAEU National President Erlinda Palaganas said the long-negotiated agreements are victory of UP employees. “Kahit hindi man nakamtan ang lahat ng gusto ng [mga unyon], substantial pa rin ang agreement[s]…,” she added.
.

After the ratification of the CNAs, each UP employee will get a P10,000-signing incentive which will come from the university’s savings, UP President Emerlinda Roman said. “I hope the employees realize that we are allocating as much as we can for their welfare,” she added.
.
Lack of tenure security
According to Abad, while collective agreements should promote maximum employee representation in committees which concerns the faculty and REPS, their current CNA does not include a system-wide union representation to the Academic Personnel Fellowship Committee (APFC), the mediating body between academic employees and the Board of Regents which discusses faculty hirings, promotions and salaries.
.

She added that the lack of APFC representation also results in lack of transparency on granting tenures to faculty members, as in the case of sociology professor Sarah Raymundo, whose tenure was denied by her department despite serving in the university for almost a decade.

.

Abad also said that the welfare of newly-hired faculty and some lecturers who have been demoted after they were not granted tenures might be less protected since they are not included in the academic workers’ CNA. She added that the lecturers also deserve what bargaining academic employees benefit from the agreement.

.

Meanwhile, Jossel Ebesate, AUPWU national vice president, said the non-academic employees’ CNA does not provide for health insurance and rights such as the prerogative for administrative personnel to decline forced transfer from one UP unit to another.
.
Based on the new agreements, further discussions and amendments concerning the CNA and employee welfare shall be discussed in union-management monitoring committees, which will maintain “continuous lines of communication, consultation and dialogue between the [UP administration] and the union” every six months.

Read More...

Summary only...

Lady Maroons grazed by Adamson falcons; Slot in the final four still elusive

Lady Maroons grazed by Adamson falcons

Slot in the final four still elusive

ni Richard Jacob Dy

Amid hopes to clinch an elusive final four slot for the 71st Season of the University Athletic Association of the Philippines, the UP Lady Maroons volleyball team suffered their fifth loss to the Adamson University Lady Falcons before a largely UP crowd at The Arena in San Juan on January 11.

The Lady Maroons, who defeated frontrunner University of Santo Tomas Tigresses in their last game, stunned the crowd with dinks and strong spikes, but the Lady Falcons forbade a UP lead with impressive switches and streak of attacks ending the first round with 17 for Lady Maroons and 25 for Lady Falcons.

The lingering rally highlighted the second round when Carmela Lopez dived and saved the ball twice for an early tie, 5-5. Within the round, the Falcons flunked to make a dig for a classic three hit leading to another tie, 11-11. UP’s drive fell short when Lady Maroon Cathy Barcelon’s net ball serve led the Falcons to the 20-mark. The round ended again with the Falcons’ lead, 21-25.

When the Adamson ladies were only one-point short of winning the game during the third and final round, Pauline Genido brought back impetus as she killed two rallies for the Maroons. Yet, the UP players failed to sustain it, and Lopez’s quirky net ball etched the clear defeat for the Lady Maroons, 19-25.

Insufficient training for the new players was generally behind the loss, said coach Ronal Dulay. But he said he sees lot of potential in the line of UP volleyball players and thinks the team is getting the right skills.

The Lady Maroons, ranking second to the last among the eight teams, will have their next game against National University Lady Bulldogs at the Far Eastern University (FEU) gym on January 13.

Meanwhile, the UP men’s volleyball team, currently ranking fourth with Adamson’s, lopsidedly lost its match to Ateneo de Manila University with 25-22, 25-10, 18-25, 20-25, 24-22 on January 11. Their seventh game will be held at the same gym on January 13.

(This report was published in print in issue 21 of the Philippine Collegian on 15 January 2009.)

Read More...

Summary only...

2 insidente ng karahasan, naganap sa pagbubukas ng klase

2 insidente ng karahasan, naganap sa pagbubukas ng klase
ni Richard Jacob Dy
.
Dalawang magkahiwalay na insidente ng karahasan sa mga estudyante ang naganap sa kampus noong Enero 6.
.
Batay sa ulat ng UP Diliman Police (UPDP) sa Office of Student Affairs (OSA), binugbog ng may pitong lalaking naka-bonnet ang mag-aaral ng UP na si Paolo Mikael Quilala, 18, gamit ang baseball bat at bakal na tubo nang halos kalahating minuto, dakong 11:30 ng umaga sa parking lot ng College of Fine Arts (CFA).
.
Madaling nakatakas ang mga suspek patungo sa kalye ng C.P. Garcia lulan ng itim na Mazda na may plate number ZBU 137, ayon sa tala ng pulisya.
.
Batay sa ulat ng pulisya, agad na dinala sa UP Infirmary ang biktimang nagtamo ng mga sugat at pasa sa katawan. Ayon sa OSA at records office ng College of Arts and Letters (CAL), nasa unang taon ng kursong comparative literature si Quilala at kumukuha ng klaseng FA 30 sa CFA.
.
Ani OSA coordinator Oscar Ferrer, patuloy ang imbestigasyon ng pulisya upang matukoy ang mga suspek at ang motibo sa likod ng insidente.
.
Samantala, bandang alas-5 ng hapon ng araw ding iyon, isang katulad na insidente ang naganap sa College of Human Kinetics (CHK).
.
Ayon sa pulisya, dalawang suspek na nakasuot din ng bonnet at sakay ng kotseng may plate number RBR 390 ang nagtangkang saktan sina Tristan de Guzman at Alexander Quizon, mga estudyante ng CHK, na nakaligtas nang tumakbo patungong gym.
.
Pinayuhan na lamang ng UPDP ang dalawa na ipaabot ang nangyari sa dekano ng kolehiyo.
.
(Naunang nailathala noong Enero 15, 2008 sa Philippine Collegian.)

Read More...

Summary only...